كشفت الفنانة منة عرفة خلال حوارها مع الإعلامية راغدة شلهوب في برنامج "سابع سما" عن تصدرها محركات البحث كثيرا في الآونة الأخيرة، حيث أكدت على أنها لا تبحث عن التريند بل تفضل التزامها الصمت.
و قالت منة: "أنا مش بدور على التريند بالعكس أنا ملتزمة الصمت ولما الصحفيين بيكلموني مش برد ولما ببقى تريند بسكت".
و أضافت" الناس فاكرة أن أنا شخصية قوية وبتاعة مشاكل لكن خالص اللي يعرفني هيعرف إني أنا في حالي ولما بتعرض لهجوم مش برد ويمكن أنا طيبة زيادة عن اللزوم وعفوية واللي بيخطر على بالي بقوله".
وعن صورة المايوة والسيجارة قالت "أنا زي أي حد بروح البحر وبنبسط و بحضر حفلات وبسهر، كل الناس بتعمل كدة وأنا بعمل دا، بس إنتي لو دخلتي عندي على السوشيال ميديا مش هتلاقي الصور دي ومش أنا اللي طلعت الصور دي".
وتابعت" الفترة دي أنا اتعمل هاك على موبايلي مش أنا إلي طلعتها عن نفسي، أنا اللي نشرتهم مش هطلع اقول بعد كدة أنا عندي تحفظات في الادوار علشان ساعتها هبقى منافقة وانا مش كدة، فأنا حرة بالطريقة إلي حابة أقدم نفسي فيها للجمهور، زي كل الفنانين".
bokra.editor@gmail.com
أضف تعليق