نشرت الفنانة رحاب الجمل، تدوينة عبر صفحتها الشخصية بموقع التواصل الاجتماعي الشهير "فيس بوك" بعد تعرض نجلها للتحرش الجنسي من قبل معلم بالمدرسة.
وقالت رحاب: "افرحوا اتبسطوا اتهنوا أنا سايبلكوا مصر الجميلة العريقة أنا وابنى هانمشى ونسيبهالكوا رايحين بلاد الكفار يجيبوا حق ابنى اللى قانون مصر بيقول إن الوزراة مالهاش صلاحيات كاملة على المدارس الخاصة الناس في الوزارة بيقولولى حسبى الله ونعم الوكيل ربنا هايجبلك حق ابنك".
وتابعت رحاب: ماتزعلوش منى أنا صبرت كتير علشان آخد حقى فى بلدى أنا خبطت على كل باب بالقانون ودلوقتى أحب اقولكوا إن ابنى أدهم يحمل جنسية انجليزية وعمرى ما فكرت لحظة إنى ألجأ لدولة تانية تحمينى وتحمى ابنى فى بلدنا لكن لأسف مصر عظيمة بأهلها".
واختتمت رحاب: "المدرسة جمعت خمسين ولى أمر يشهدوا ضد ابنى مع العلم إن فصل ابنى فيه عشرين طالب خمسين ولى أمر يعرفوا ابنى لو شفت زميل واحد لابنى احتمال ماعرفهوش الوسطة الفلوس السلطة القوة فى بلدى كسرونى أنا وابنى".
bokra.editor@gmail.com
أضف تعليق